The Rosary in Latin
Sign of the Cross
In nómine Pátris et Fílii et Spíritus Sáncti. Amen.
Creed
Crédo in Déum, Pátrem omnipoténtem, Creatórem cáeli et térræ. Et in Jésum Chrístum, Fílium éjus unícum, Dóminum nóstrum: qui concéptus est de Spíritu Sáncto, nátus ex María Vírgine, pássus sub Póntio Piláto, crucifíxus, mórtuus, et sepúltus: descéndit ad ínferos: tértia díe resurréxit a mórtuis: ascéndit ad cáelos: sédet ad déxteram Déi Pátris omnipoténtis: índe ventúrus est judicáre vívos et mórtuos.
Crédo in Spíritum Sánctum, sánctam Ecclésiam cathólicam, Sanctórum communiónem, remissiónem peccatórum, cárnis resurrectiónem, vítam ætérnam. Amen.
Our Father
Páter nóster, qui es in cáelis, sanctificétur nómen túum. Advéniat régnum túum. Fíat volúntas túa, sícut in cáelo et in térra.
Pánem nóstrum quotidiánum da nóbis hódie, et dimítte nóbis débita nóstra, sícut et nos dimíttimus debitóribus nóstris. Et ne nos indúcas in tentatiónem: sed líbera nos a málo. Amen.
Hail Mary
Áve María, grátia pléna, Dóminus técum; benedícta tu in muliéribus, et benedíctus frúctus véntris túi, Jésus.
Sáncta María, Máter Déi, óra pro nóbis peccatóribus, nunc et in hóra mórtis nóstræ. Amen.
Glory Be
Glória Pátri, et Fílio, et Spirítui Sáncto.
Sícut érat in princípio et nunc et sémper et in sáecula sæculórum. Amen.
Fatima Prayer
Mi Jésu, indúlge peccáta nóstra, consérva nos ab ígne inférni, duc ómnes ad cáeli glóriam, præcípue túa misericórdia egéntes.
Hail, Holy Queen
Sálve Regína, máter misericórdiæ: víta, dulcédo, et spes nóstra, sálve. Ad te clamámus, éxsules fílii Hévæ. Ad te suspirámus, geméntes et fléntes in hac lacrimárum válle. éja érgo, Advocáta nóstra, íllos túos misericórdes óculos ad nos convérte. Et Jésum, benedíctum frúctum véntris túi, nóbis post hoc exsílium osténde. O clémens, O pía, O dúlcis Vírgo María. Óra pro nóbis sáncta Déi Génitrix / ut dígni efficiámur promissiónibus Chrísti.
Let us pray…
Orémus: Déus, cújus Unigénitus per vítam, mórtem et resurrectiónem súam nóbis salútis ætérnæ præmia comparávit: concéde, quæsumus: ut hæc mystéria sacratíssimo beátæ Maríæ Vírginis Rosário recoléntes, et imitémur quod cóntinent, et quod promíttunt, assequámur. Per eúndem Chrístum Dóminum nóstrum. Amen.
Mysteria gaudiosa (Joyful Mysteries)
Prímum mystérium gaudiósum: Annuntiatiónem Beátæ Maríæ Vírginis
Secúndum mystérium gaudiósum: Visitatiónem Beátæ Maríæ Vírginis
Tértium mystérium gaudiósum: Nativitátem Dómini nostri Jesu Christi
Quartum mystérium gaudiósum: Oblatiónem Dómini nostri Jesu Christi
Quintum mystérium gaudiósum: Inventiónem Dómini nostri Jesu Christi in templo
Mysteria dolorosa (Sorrowful Mysteries)
Prímum mystérium dolorósum: Agóniam Dómini nostri Jesu Christi in horto
Secúndum mystérium dolorósum: Flagellatiónem Dómini nostri Jesu Christi
Tertium mystérium dolorósum: Coronatiónem spinis Dómini nostri Jesu Christi
Quartum mystérium dolorósum: Bajulatiónem Crucis
Quintum mystérium dolorósum: Crucifixiónem Dómini nostri Jesu Christi
Mysteria gloriosa (Glorious Mysteries)
Prímum mystérium gloriósum: Resurrectiónem Dómini nostri Jesu Christi a mórtuis
Secúndum mystérium gloriósum: Ascensiónem Dómini nostri Jesu Christi in cáelum
Tértium mystérium gloriósum: Missiónem Spíritus Sancti in discípulos
Quartum mystérium gloriósum: Assumptiónem Beátæ Maríæ Vírginis in cáelum
Quintum mystérium gloriósum: Coronatiónem Beátæ Maríæ Vírginis in cáelum
Reference:
The Prayers of the Rosary in Latin (Test)
http://rickmk.com/rmk/Rosary/
